काठमाडौं, असोज १२ गते ।
दुई प्रतिष्ठित सौन्दर्य प्रतियोगिताको यसवर्षका विजेताहरू घोषणा गरिएको छ । आइतबार बेलुका आयोजित ग्रान्ड फिनालेमा मिस युनिभर्स नेपाल र मिस अर्थ विजेता घोषणा गरियो ।
‘मिस युनिभर्स नेपाल २०२६’को उपाधि प्रायश्ना गुरुङले जितिन् । ‘मिस अर्थ २०२६’को ताज चाहिँ विनिता ओलीले पहिरिइन् । उपाधिका लागि १४ जना सुन्दरीहरूले प्रतिस्पर्धा गरेका थिए ।
फिनालेमा पूर्वमिस युनिभर्स इन्डिया तथा बलिउड अभिनेत्री सेलिना जेटली मुख्य निर्णायक थिइन् । गुरुङ बेलायतस्थित गैरआवासीय नेपाली हुन् र उनले महिला सशक्तीकरणका कार्यक्रम चलाइरहेकी छिन् ।
मिस अर्थ नेपाल विनिता ओली
उनले नेपाली महिलाको उद्यमशिलता र सशक्तीकरणमा सघाउन ‘द डिग्निटी’ परियोजना संचालन गरिरहेकी छिन् । २७ वर्षिया मिस अर्थ नेपाल ओलीले भने केही वर्ष अन्तर्राष्ट्रिय एयरहोस्टेसको अनुभव लिएको जनाइएको छ ।
‘मिस अर्थ’को आयोजना लामो समयदेखि मिस नेपालको आयोजक संस्था द हिडन ट्रेजरले गर्दै आएको थियो । केही वर्ष पहिले संस्थाले आयोजना छाडेको थियो ।
अहिले भने, मिस युनिभर्स नेपालको इजाजत लिएको उक्त संस्थाले नै मिस अर्थको आयोजना गरेको हो ।
